Bado watufanya tujisikie kama tulivyojisikia miaka mingine iliyopita, kila siku kwa upya wake. Umekua sana hivi sasa, twaongea, twacheka, twafurahi tukiwa na sababu inayoeleweka kufanya hivyo, umeipamba nyumba na kuiipa heshima kuu, hata hivi sasa ikiwa na mgeni mpya bado umeimudu na kuwa mwenyeji mzuri wa Marytheresa.
Endelea kumlea, endelea kuwa mtetezi wake, endelea kuwa dada mzuri kwake...naamini mtakuwa marafiki licha ya undugu wenu wa damu.
Nna mengi ya kukuambia, raha ya mwaka huu ni kuwa umesikia na kuelewa kile tulichoongea asubuhi kitandani baada ya wewe kuamka nami kukuimbia na kukuombea kabla sijatoka kwenda kazini, jioni nitakuambia mengine tukiwa tunapiga picha, tahifadhi kumbukumbu hiyo pia.
Sasa una kila sababu ya kwenda shule, sehemu ambayo umekuwa ukiitaja mara kwa mara, jana nimepita pale jirani na nyumbani na wakaniambia cha kufanya...ndani ya mwezi wako huu wa kuzaliwa utavaa sare na kuhudhuria madarasa, umekua sana mwanangu.
Bado nakazana na haya maisha, si mepesi lakini naahidi kuhakikisha yanakuwa. Nakumbuka kukuahidi mengi, na leo nakuahidi kuyatekeleza yote na mengine yatakayobebana na yatakayolazimika ama kutamanika kutekelezwa.
Love you. Daddy.
